Urteroko legez, abuztuaren 19an Photomuseumek Argazkigintzaren Nazioarteko Eguna ospatzen du, eta aurten ere hainbat jarduera antolatu dituzte egun horretarako. Aurreskua eta lore eskaintzaren ondoren, bertsoak izango dira eta jarraian, Itzal Eremua bilduma proiektatuko dute. Egunean zehar museorako sarrera doakoa izango da.

Musika Plaza festaz eta erromeria doinuz jantzi zuen atzo Araiako Joselu Anaiak taldeak. Herritar eta bisitari ugari bildu ziren plazan. Gaur eta bihar ere izango dira musika hitzorduak Musika Plazan: gaur Lisker taldearen erromeria, eta bihar, Rumbo Tijuanaren mariatxiak.