Jon Arozenak gaur bete du urtebete Urola Kostako Udal Elkartearen lehendakaritzan. Hilabeteotan egindako lanaren inguruan balorazio ona egin du, baina oraindik esku artean egiteko asko eta garrantzitsuak dituztela adierazi du. Hondakinen kudeaketaren inguruan lanketa sakona egin beharra daukatela esan du, eta zaurgarritasun egoeran dauden herritarrei profesionalizatzen eta laneratzen laguntzea ere erronkatzat jo du.    

ETE digitala topaketa egin zuten pasa den ostegunean Urola Kostako Udal Elkarteak (UKUE) Zarautzen duen egoitzan. Beraien digitalizazio prozesutan udal elkartearen laguntza jaso duten eskualdeko enpresen berri eman zuten bertan.