Koalizioak iritzi dio udalak "berehala" abiatu behar dituela Zarautz eremu tentsionatu izendatzeko tramiteak, "aitzakiarik" eta "denbora gehiago atzeratu" gabe. "EAJren eta PSEren arteko desadostasunak ez ditugu zertan zarauztar guztiok ordaindu", gaineratu du. 

Alderdi sozialistak EAJ kritikatu zuen otsaileko osoko bilkuran, Zarautzi eremu tentsionatu izendapena ematea onartu zutenetik "pausorik eman ez izanagatik". EAJk "giroa baretzearen eta elkarlanaren aldeko mezua" zabaldu nahi izan du, eta esan du agintaldia amaitu aurretik "urtebete pasatxo" dutela "zarauztarrekin hartutako konpromisoa betetzeko".