Memoria Demokratikoari buruzko 20/2022 Legea aplikatuta, Jon Paredes Txiki-ren eta Angel Otaegiren aldeko Aitorpen eta Erreparazio Pertsonalerako Adierazpena onartu du Espainiako Gobernuak, eta horrekin aitortu du "arrazoi politikoengatik, bermerik gabe eta giza eskubideak urratuta" jazarri zituztela. Familiak pozik daude albistearekin, nahi zutena lortu dutelako.  

1978ko Espainiako Konstituzioa onartu zenetik 47 urte pasa diren honetan, laburki errepasatuko ditugu, batetik, Francoren heriotzaren eta erreferendumaren egunaren artean Zarautzen izan ziren gertaera esanguratsuenak; bestetik, garai hartako indar politiko esanguratsuenek egindako hautua eta Zarautzen izandako emaitzak; eta azkenik, 1978ko erregimenaren egungo egoera politikoa, zeinak jarraitzen baitu Hego Euskal Herriko zein estatu espainiar osoko langile klasea zapaltzen eta esplotatzen.