Sarek euskal presoen, iheslarien eta deportatuen eskubideen aldeko manifestazio nazionala antolatu du larunbaterako. Bilbon izango da hitzordua, urteetako ohiturari jarraituz; La Casillatik hasiko da manifestazioa, 17:00etan, Ezin da gehiago luzatu. Konponbidea. Bakea. Elkarbizitza lelopean.
Zarauztik Bilbora joateko eta handik herrira itzultzeko autobusa antolatu dute. Hain zuzen ere, Arrano eta Eguzki tabernetan eman daiteke joan-etorria autobusez egiteko izena. 15:00etan aterako da Zarauztik, Frailetako geltokitik, zehazki.