Zarauzko Udalak 52,5 milioi euroko aurrekontua izango du datorren urtean. Atzo ezohiko udalbatzarra eginda eman zioten hasierako onespena, udal gobernua osatzen duten EAJren eta PSE-EEren aldeko botoekin. EH Bilduk aurka bozkatu zuen, koalizioa ez dagoelako ados "aurrekontuen norabidearekin".

'Ipuskoa' izenaren lehen aipamen idatziaren milurtekoa da aurten. Altzoko Salbatore Deuna elizan jaso zuten hitz horri egindako lehen aipamena, eta Gipuzkoako hainbat ordezkari politikok parte hartu dute Gipuzkoako Batzar Nagusiek han egin duten ezohiko bilkuran.