Hilaren azkeneko osteguna da biharkoa, urriaren 26a, eta ohi bezala, udalbatzarra egingo dute Zarauzko udal alderdietako ordezkariek.
Hainbat puntu bozkatuko dituzte ohiko bilkuran, garrantzitsuenak hauek: batetik, behin betiko onespena ematea emakumeen eta gizonen arteko berdintasunerako Zarauzko udal ordenantzari; eta, bestetik, hasierako onespena ematea ostalaritzako eta merkataritzako establezimenduek bide publikoa erabiltzeari eta okupatzeari buruzko udal ordenantzaren aldaketari.
Udalbatzarra, ohi bezala, 19:00etan hasiko da, eta zuzenean ikusteko aukera egongo da, streaming bidez, udalaren webgunean.