Asier Nieto AZTIko ikerlaria elkarrizketatu du Aritz Mutiozabal kazetariak urtarrileko Zarautz Guka aldizkarirako. Nietok bere lanbideak zertan datzan azaldu du solasaldian: eskura dituzten teknologi aurreratuekin, behaketa zorrotzak egiten dituzte itsasoan kalitatezko datuak lortzeko.

Klima aldaketak orokorrean herrietan izango duen inpaktua ez ezik, lehen, bigarren eta hirugarren sektorean izango duen eragina ere aztertu dute. Isladak aholkularitza zerbitzuarekin lankidetzan burutu dute lanketa, eta eskualdeko eragile publiko eta pribatuen parte hartzearekin osatu.