Uztailaren 4an hasi zituen bisita gidatuak Eraztun Berde Urdinak. Aste honetan, 'Hezeguneak: EBUko altxor ezkutuak' bisitaren txanda izango da. Etzi egingo dute bisita, eta bertan Buztinzuri haltzadia eta Irita-Astiko hezeguneak bisitatuko dituzte. Suhiltzaileen biribilguneko autobus geltokian izango da hitzordua, 18:00etan. Doakoa izango da bisita, baina plazak mugatuak izango dira; gehienez hogei pertsonako taldeak osatuko dituzte, eta beharrezkoa da aurretik izena ematea. Erreserba egiteko, Zarauzko Turismo Bulegora joan, deitu edo idatzi daiteke, baita zarautz@eraztunberdeurdina.eus helbidera mezu bat bidali ere.
Hiru bisita gidatu desberdin antolatzen ditu Eraztun Berde Urdinak: hezegunea, Arkamurka eta Iñurritzako ibilbideak. Irailera arte egingo dira bisitak, asteburuero. Datorren astean, berriz ere, Arkamurka ibilbideko eta Iñurritzako bisita gidatuen txanda izango da, ostiralean eta larunbatean, hurrenez hurren.