Arkamurka Natur Taldeak astelehenean ekin zion Natur Astearen 46. edizioari. Hitzaldiez eta dokumentalen proiekzioez osatu du elkarteak aurtengo egitaraua eta, iaz bezala, aurten ere perretxiko erakusketak emango dio amaiera.
Merkatu plazan erakutsi dituzte perretxiko espezieak, baita ingurune naturalaren inbasioari buruzko adibide batzuk eman ere. Bigarren solairuan, bestalde, onddoen erreinuari buruzko mostra ondu dute, espezie ezberdinen inguruko informazio panelekin osatua. Hori ez ezik, gaztetxoentzako jolasak eta unitate didaktikoak ere jarri dituzte, perretxikoen inguruan gehiago ikasi dezaten.
Goizeko txandaren ondoren, arratsaldez jarraituko du erakusketak: 17:00etatik 20:00etara bitartean berriro zabalik izango da, Merkatu plazan.