Hori horrela, aste honetarako iragarri zuten greba ez dute aurrera eramango. Jakitera eman dutenez, hala ere, negoziaketa ez dago itxita eta greba atzeratu egin dute, negoziazioari aukera bat emateko.

Eusko Jaurlaritzaren Hezkuntza sailak eta LAB, ELA, CCOO eta UGT sindikatuek hezkuntza publikoko sukaldarien eta garbitzaileen lan baldintzak hobetzeko akordioa lortu dute. Horrenbestez, hezkuntza publikoko irakasleen greba deialdiarekin soilik jarraituko dute sindikatuek; hilaren 25erako, 26rako eta 27rako nahiz apirilaren 1erako eta 2rako daude grebara deituta horiek.