Eduki interesgarri eta mamitsuz josita dator bigarren zenbakia ere, eta dagoeneko edonoren eskura dago Zarautz Gukaren webgunean zein Guka aplikazioan. Aurki, ordea, Zarautz Gukaren bazkideek bakarrik izango dute aldizkaria kontsumitzeko aukera; beraz, egin bazkide eta gozatu Zarautz Gukaz!    

Gaur eskainiko du Guka Telebistak Bada zer erreportaje sortaren hurrengo atala, bigarren denboraldiko laugarrena. Saio horretan usaimena izango da jorratuko duten zentzumena, eta Unai Rubio enologo zumaiarra eta Luix Fernandez botikari azkoitiarra izango dira protagonistak.