Kalean da Zarautz Guka aldizkari digitalaren zortzigarren zenbakia. Usoa Ostolaza txirrindularia dator azalean, eta barruan, hari egindako bideo-elkarrizketan, orain arteko kirol ibilbide arrakastatsuaz eta etorkizunerako dituen asmoez jardun du zarauztarrak.
Horrez gain, baina, beste hainbat eduki interesgarri ere biltzen ditu hil honetako aldizkariak; besteak beste, Ondharez elkarte sortu berriak burua aurkeztu du bertso sorta baten bidez; Felipe Eizagirrek orain lanbide duen okintzaz jardun du Erretratua atalean; eta plaieroetan parte hartzen ari den aurreneko queer taldearen inguruko erreportajea ere badator. Horiez gain, Aner Peritzek Santa Barbaratik Imanol Epelderi bidalitako audio mezua entzungai dago, oraingoan kuadrillen inguruan hausnartuz; eta baita beste hainbat iritzi artikulu interesgarri ere.
Zarautz Guka aldizkari digitalaren zenbaki guztiak webguneko prentsa atalean daude ikusgai.