Kalean da Zarautz Guka aldizkari digitalaren zazpigarren zenbakia. Miren Altuna neurologoa dator azalean, eta barruan, hari egindako bideo-elkarrizketan, Alzheimerraren ikerketaz hitz egin du zarauztarrak.
Horrez gain, baina, beste hainbat eduki interesgarri ere jasotzen ditu hil honetako aldizkariak; besteak beste, errutinari aurre egiteko Aurkene Gallastegi psikologoak emandako gomendioak; Ines Itsaso moda diseinatzaile eta estilista gazteari egindako erretratua; Imanol Epeldek Aner Peritzi bidali dion audio mezua eta abar.
