Kirol arloko ekitaldi garrantzitsuenen artean, bada bat guztiei gailentzen zaiena: Olinpiar Jokoak. Lau urtetik behin, bisurteetan, jokatzen dituzte, bi astez, munduko kirolari onenen topaleku bilakatzen den hiri batean. Kirol diziplina ugari biltzen dituzte Jokoek; tartean, surfa ere bai. Hain zuzen ere, aurtengo Parisko Jokoetan bigarrenez izango da olinpikoa olatuak hartu eta mugimendu ikusgarriak egitean datzan kirola. Eta han izango dira eskualdeko bi emakume surflari: Nadia Erostarbe zarauztarra eta Janire Gonzalez-Etxabarri zumaiarra. UKTren apirileko tokiko aldizkarietan argitaratutako GUKA ataleko edukia da elkarrizketa.