Ezohiko ikasturte hasiera izan dute gaur Zarauzko Orokieta Herri Eskolan, Imanol Pradales lehendakariaren bisita jaso baitute goizean. Lehendakariak ez ezik, Begoña Pedrosa Eusko Jaurlaritzako Hezkuntza sailburuak, Xabier Txurruka Zarauzko alkateak eta Maider Cachon ikastetxeko zuzendariak ere egin dute instalazioetatik bisita. Bi ordu inguru iraun duen ibilbidean, orokietako bi eraikinak ezagutu dituzte, baita ikasleen artean zaintzen duten baratzea ere. Tarte horretan, ikasleekin eta irakasleekin solasteko aukera ere izan dute.