Zarauzko Triatloiaren hirugarren eta azken proba da korrikakoa. 21 kilometro –6,2 kilometroko zirkuituari hiru buelta– osatu behar izan zituzten korrika, Lege Zaharren Enparantzara iritsi aurretik.
Zale ugari bildu ziren azken proba honetan kirolariak animatzen. Emakumezkoen kategorian, Hanne De Vet izan da nagusi hasiera-hasieratik, gizonezkoen kasuan, berriz, Carlos Oliver joan da buruan hainbat kilometroz korrikako saioan, baina Antonio Benitok aurre hartu dio.
Nagusitasunez irabazi dute proba De Vetek eta Benitok.
