Bizikleta hartu behar izan dute kirolariek, triatloiko bigarren proban. 80 kilometroko ibilbidea egin dute bizikletan. Zirkuituak bi itzuli ditu: lehena, 32,2 kilometrokoan, Zarautz zeharkatu dute. Bigarrenean, luzeagoa, 47,8 kilometro osatu behar izan dituzte parte hartzaileek. Getaria, Zumaia eta Aizarnazabal ingurutik ibili dira, hain zuzen ere.
Tartean, ikusleentzat kutuna den tokitik igaro dira: hilerriko bidean gora. Jendez bete da inguru hori, eta animorik ez zaie falta izan txirrindulariei malda gogorrean gora.