'Lagun minak' liburuaren zozketa
Kritikaren Espainiako saria jaso berri du Jon Benito idazle zarauztarrak Lagun minak liburuagatik. Iaz argitaratu zuen Farmazia Beltza argitaletxearen eskutik, eta Narrazioa nahiz poesia uztartzen ditu bertan.
Orain, Zarauzko Hitzak Lagun minak liburuaren ale bat zozkatuko du bere irakurleen artean, idazlearen kortesiaz. Osteguneko 12:00etara arte parte hartu ahal izango da zozketan, eta saridunaren izena jakinaraziko da.
'Generorantz' dantza ikuskizunerako sarrerak
Ostiral honetan, maiatzaren 12an, izango da ikusgai Kimua Dantza Kolektiboaren 'Generorantz' dantza proposamena, 20:00etan hasita, Modelo aretoan. Zarauzko Udalak emanda,bi sarrera bikoitz zozkatuko ditu Zarauzko Hitzak irakurleen artean.
Parte hartu nahi dutenek osteguneko 12:00etara arteko epea dute.
Ithaka eta Esti Markezen kontzerturako sarrerak
Zuzeneko emanaldia eskainiko dute Ithaka taldeak eta Esti Markezek ostiral honetan, apirilaren 28an, 20:00etan hasita, Modelo aretoan. Zarauzko Udalak emanda, bi sarrera zozkatuko ditu Zarauzko Hitzak irakurleen artean, kontzertuaz goza dezaten. Parte hartu nahi dutenek osteguneko 12:00etara arteko epea dute.
Zarauzko Hitza: Elkar argitaletxearen liburu sorta
Pasa den igandean, apirilaren 23an, Liburuaren Nazioarteko Eguna izan dela eta, Zarauzko Hitzak, Elkar argitaletxearen eskutik, liburu sorta zozkatuko du bazkideen artean.
Zorte on!
'Chatungla' haur antzerkirako sarrerak
Igandean, apirilaren 23an, Teatro Silfok Chatungla haur antzerkia eskainiko du, txotxongilo eta guzti; Modelon izango da saioa, 16:45ean hasita. Sara eta Barbara animalia fantastikoen zaintzaileak dira, txapaz, egur pusketez eta lanabes zaharrez egindakoak. Izaki berezien taldea osatzen dute, eta, orain, prest daude ikuskizun handi eta ausart batean agertzeko.
Ikuskizun honetarako bi sarrera bikoitz zozkatuko ditu Zarauzko Hitzak, eta parte hartzeko aukera izango da osteguneko 12:00ak arte.
'Yarin' dantza ikuskizunerako sarrerak
Apirilaren 29an Nazioarteko Dantza Eguna da, eta egun horri aurrea hartuz, ostiral honetan, apirilaren 21ean, Jon Maya eta Andrés Marín dantzariek Yarin ikuskizuna aurkeztuko dute Modelo aretoan, 20:00etatik aurrera. Jon Maya euskal dantzariak eta Andrés Marín bailaore andaluziarrak, Julen Achiaryren zuzeneko musikaz lagunduta, elkarrizketa zintzo batean egiten dute bat, kulturarteko topaketan.
Emanaldia ikusteko Zarauzko Hitzak bi sarrera bikoitz zozkatuko ditu irakurleen artean.
Zarauzko Hitza: Pagoeta Festerako sarrerak
Pagoeta Fest ospatuko da asteburu honetan Aiako Zingira kanpinean eta Zarauzko Hitzak Zingirarte Kultur Espazioaren eskutik larunbaterako, apirilaren 22rako, sarrera bikoitza zozkatuko du parte hartzaileen artean.
Osteguneko 12:00ak arte izango da zozketarako izena emateko epea zabalik.
'Zeozertan dabil baina ez dakit zertan' antzezlanerako sarrerak
Metrokoadroka Sormen Laborategiaren Zeozertan dabil baina ez dakit zertan obra ostiral honetan izango ikusgai, 20:00etatik aurrera, Modelo aretoan, eta Zarauzko Udalaren eskutik, bi sarrera bikoitz zozkatuko ditu Zarauzko Hitzak bere irakurleen artean. Parte hartu nahi dutenek osteguneko 12:00etara arteko epea dute.
'Bizitzaren zuhaitza' antzezlaneko sarreren zozketak
Antzerkia familian egitasmoaren barruan, Aboon Teatre taldeak 6 hilabetetik 4 urtera bitarteko haurrei zuzendutako Bizitzaren zuhaitza antzezlan sinbolikoa eskainiko du igande honetan, 11:30ean eta 12:30ean, Modelo aretoan. Zarauzko Udalak emanda, saio bakoitzerako bina sarrera bikoitz zozkatuko ditu Zarauzko Hitzak irakurleen artean.
Parte hartu nahi dutenek osteguneko 12:00etara arteko epea dute horretarako.
Errigorako saskiak zozketan
Errigorako produktuak eskatzeko kanpaina abian da eta Zarauzko Hitzak bi saski ditu zozketan.
Astearteko 12:00ak arte izango da zozketarako izena emateko epea zabalik.
Zorte on!
'Josi eta josi' liburuaren zozketa
Martxoak 8, Emakumeen Nazioarteko Eguna dela eta, Txalaparta argitaletxearen eskutik Itziar Morenoren Josi eta josi liburua zozkatuko du Zarauzko Hitzak.
Gertaera historikoetan oinarrituriko fikziozko ipuin bat da, eta egilearen ilustrazioekin nahiz testu soilekin dago osatuta. Martxoak 8 zer dela eta ospatzen den kontatzen du lanak; egun hori hautatzeko zer gertatu zen adierazten du bertan egileak.
Zorte on!
Plaieroetako bi kamiseta
Hondartzako Futbol Txapelketaren irudia hondartzatik atera eta herrian zabaltzeko helburuarekin kamiseta plazaratu zuten urte hasieran plaieroetako antolatzaileek.
Elastikoak jada egin du hilabetea kalean, eta antolatzaileek emandako gizonezkoentzako eta emakumezkoentzako kamiseta bana zozkatuko ditu Zarauzko Hitzak.
Parte hartu nahi dutenek, igandeko 18:00ak arteko epea dute.
'Arrainak bihotzean' haur antzerkirako bi sarrera bikoitz
Mar-Mar Teatroaren eskutik, Arrainak bihotzean haur antzerkiaz gozatzeko parada izango da igande arratsaldean, otsailaren 26an, Modelo aretoan, 16:45etik aurrera. Emanaldia ikusteko Zarauzko Hitzak bi sarrera bikoitz zozkatuko ditu irakurleen artean.
Parte hartu nahi dutenek, osteguneko 12:00etara arteko epea dute.
'Familia sarekada' antzezlanerako bi sarrera bikoitz
Vaiven antzerki konpainiaren eskutik, Familia sarekada komediaz gozatzeko parada izango da ostiral honetan, otsailaren 10ean, Modelo aretoan, 20:00etatik aurrera. Emanaldia ikusteko Zarauzko Hitzak bi sarrera bikoitz zozkatuko ditu irakurleen artean.
Parte hartu nahi dutenek, osteguneko 12:00etara arteko epea dute.
Anonyme Popular ikuskizunerako bi sarrera bikoitz
Igor Elortzak eta Rafa Ruedak gidatutako Anonyme Popular bertso-musika ikuskizunaz gozatzeko parada izango da ostiral honetan, otsailaren, Modelo aretoan, 20:00etatik aurrera. Antzerkia familian ikusteko Zarauzko Hitzak hiru sarrera bikoitz zozkatuko ditu irakurleen artean.
Parte hartu nahi dutenek, osteguneko 12:00etara arteko epea dute.