KAE 1 ligako jardunaldia jokatu dute gaur eguerdian Santanderren (Kantabria, Espainia), eta Zarautzek jardunaldia borobildu du bertan: asteburuko bigarren bandera eskuratu du Enbatak.
Nagusitasunez irabazi du Zarautz Arraun Elkarteko traineruak, 21:08,43ko denborarekin, eta bigarren izan den Deusturi 11 segundo baino gehiago atera dizkio. Hirugarren sailkatu da Kaiku, eta haren atzetik Zumaiak egin du denbora azkarrena (21:31,00). Orio B taldeak, berriz, bederatzigarren postuan amaitu du gaurkoan (22:00,80).
Sailkapen orokorrean lider jarraitzen du Zarautzek, 124 punturekin, baina Deusturekin berdinduta dago. Hirugarren sailkatua den Zumaia 11 puntura dute biek ala biek.
Gaur ez ezik, atzo Pedreñan (Kantabria, Espainia) irabazi zuten ZAEko gizonezkoek, eta emakumeek ere Ondarroako bandera astindu zuten ETE ligan. Horregatik, harrera egingo diete 19:00etan, Lege Zaharren Enparantzatik hasita.
