Ordubeteko atzerapenarekin atera badira ere, egin dute, beste urte batez, San Pelaio eguneko balsa karrera. Aurtengoan, egurrez, puzgarriz eta beste hainbat materialez osatutako bederatzi balsak burutu dute portutik Munoarainoko ibilbidea. Hala ere, obrak direla eta, ezin izan dute ohi bezala Munoara igo, eta lasterketa lehorrera iritsi den lehen balsak irabazi du.
Antolatzaileen esanetan, aurten apur bat "konplikatuxeagoa" izan da balsa karrera antolatzea. Munoako obrak direla eta, txosnak Galtxagorri elkartearen parean jarri dituzte, eta zenbat parte hartzailek bide luzea egin behar izan dute porturaino, balsa bizkar gainean hartuta. Hala ere, parte hartzaileek arratsalde hasiera biribila izan dute beroari aurre egiteko.