Euskal letren plaza bihurtuko da beste urte batez Zarautz, gaur hasi eta igandera arte. Literaturia egitasmoak askotariko ekitaldiak eta guneak ekarriko ditu asteburuan herrira, Ihes gaiaren ingurumarian, literaturzale ororen gozamenerako.
Ander Lipusek emango dio hasiera aurtengo edizioari. Aurtengoa ez da Literaturiarekn kolaboratzen duen lehen aldia: adibidez, duela hamar urte jaialdia irudikatzeko kartela irudikatzeaz gain, egoerarako egin zen film laburreko protagonista ere izan zen. Oraingo honetan, manifestua prestatu eta jendaurrean irakurtzeko ardura eman diote antzerkigile bizkaitarrari, hain justu ere, eta Modelo aretoan izango da ekitaldia, 20:00etan hasita. Jarraian, Formol Laborategiaren Heriotzak Eduardo du izena izango da ikusgai.
Bihar, berriz, 11:30etik 14:00etara eta 17:00etatik 20:00etara, ohiko liburu azoka izango da Lege Zaharren Enparantzan atonduko duten karpan. Irekiera ekitaldiaren ondoren, 12:00etan, Garoa liburu dendari aitortza egingo diote, eta egunean zehar, liburu aurkezpenak izango dira.
- 11:30-11:55. Haize beltza, Amaiur Epher (Txalaparta)
- 12:00-12:25. Hezur berriak, Ane Labaka Mayoz (Susa)
- 12:30-12:55. Eresia, Goiatz Labandibar (Elkar)
- 13:00-13:25. Ehun zaldi trostan, Ainhoa Urien Telletxe (Elkar)
- 13:30-13:55. Urte urdin ihesak, Jesus Mari Olaizola "Txiliku" (Elkar)
- 17:00-17:25. Amorante Frantsesa, Miren Agur Meabe (Susa)
- 17:30-17:55. Iragan atergabea, Julen Belamuno (Elkar)
- 18:00-18:25. Baden verboten, Iker Aranberri (Pamiela)
- 18:30-18:55. Ganbila bilduma: Zorretan, Agurtzane Intxaurraga (Susa-EHAZE) eta Aztitza, Oier Guillan (Susa-EHAZE).