Urte urdin ihesak eleberria eman du argitara Jesus Maria Olaizola Txiliku idazleak eta Gukako kolaboratzaileak; izenbururako Xabier Lizardiren Biotz begietan poemako esaldi bat bere egin du. Iraganeko mundu baten ikustaldia planteatzen du, ehun urte inguruko atzera begirakoa, eta horretarako, idazleak ama zenarekin izandako solasaldiak izango ditu hari gidari.
Baserri idiliko hura ezbaian jartzen duten kontakizunak, oroimenaren geografiak presente dagoena, eta konta behar ez diren istorioak, gainera. Benetan gertatutako pasarte gogorrak daude liburuan, baina Txilikuk moldatuta eta fabulatuta argitaratu ditu.