Bihar eta etzi Zarauzko uretan jokatuko dituzten estropadek eragina izango dute Zarautz eta Getaria arteko trafikoan; izan ere, itxi egingo dute N-634 errepideko erreietako bat eta txandaka emango dute trafikoa biharko 10:00etatik igandeko 17:30 bitartean. Itsasotik gertuen dagoen dagoen da erreia itxiko dutena, zehazki. Zarautzik Getariara doana, alegia.
Azaldu dutenez, Eusko Label eta Euskotren ligako estropadak behar bezala jokatu ahal izateko itsasoan ez ezik lehorrean ere egin behar dituzte muntatze lanak aldez aurretik. Batetik, epaileen eta delegatuen harmailak jarri behar dituzte, eta, bestetik, tokia egin behar diote telebistako kamioiari estropadak zuzenean eskaini ahal izateko.
Ondoren, desmuntatze lanak egin beharko dituzte eta horregatik luzatuko dute N-634 errepideko erreiaren itxiera igande arratsaldera arte. Gauez ere txandaka emango dute zirkulazioa semaforo baten bitartez.
