Dotore dabil Zarautz Arraun Elkarteko lehen taldea. Ligako hiru jardunaldiak irabazi ditu Enbatak, azkena atzo, Donibane Lohizunen. 21:03:23 denbora egin zuten Gari Urangaren mutilek, eta lau segundoko tartearekin irabazi zuten estropada.
Deusto-Bilbo izan zen bigarren sailkatua, eta Donostiarra, hirugarrena. Hemen ikus daitezke emaitza guztiak.
Horrenbestez, sailkapen nagusian 36 puntu ditu jada Zarautzek, bigarrenak baino bost gehiago. Duesto-Bilbao dago, hain zuzen, bigarren toki horretan.
Hilaren 29an izango dute hurrengo hitzordua zarauztarrek, Baionan.