Mari Carmen Trasobaresen argazki erakusketa irekiko dute Torre Luzean

Enara Ariznabarreta

Mari Carmen Trasobaresen argazkia. (Mari Carmen Trasobares)

Azaroaren 20tik urtarrilaren 3ra, Mari Carmen Trasobaresen erakusketa ikusteko aukera izango da Torre Luzean. Bertaratu nahi duen orok, asteartetik igandera egin beharko du, 18:00etatik 20:00etara.

Ateratako hainbat argazki aurkeztuko ditu Mari Carmen Trasobares  Zarauzko Argazkizale Elkarteko bazkideak Torre Luzean. Azaroaren 20tik urtarrilaren 3a bitarte egongo da ikusgai erakusketa, asteartetik igandera, 18:00etatik 20:00etara.

Trasobaresek argazkilaritza munduarekin lotura izan du txikitatik, familiako argazkilari baten eskutik. Argazkilaritza elkarteek antolatutako hainbat ikastaro egin ondoren, 2001ean Gipuzkoako Argazkilari Elkarteko kide egin zen. 2009 eta 2013 artean, Arte Ederrak ikasi zituen EHUn, eta gradu amaierako lana zinemako fotogrametatik abiatuta sortutako irudi-proiektu bat izan zen. Gai horretan sakontzen jarraitu zuen masterrean ere, 2016an, beste pelikula bateko irudiekin egindako lana aurkeztuta. 2025ean Zarauzko Argazkizale Elkarteko bazkide egin zen, eta horri esker, bere lanetako bat jendaurrean aurkezteko aukera izango du Torre Luzean.

Gaurko ametsak biharko albiste izan daitezen, beharrezkoa dugu zure babesa.


Egin bazkide