Gaur zortzi, irailaren 27an, 51 urte beteko dira Francoren erregimenak Angel Otaegi azpeitiarra, Juan Paredes Manot Txiki zarauztarra eta FRAPeko Jose Humberto Baena, Jose Luis Sanchez Bravo eta Ramon Garcia Sanz fusilatu zituztela. Urtero bezala, Gudari Egunean bertan, haiek oroitzeko ekitaldia antolatu du Ahaztuak 1936-1977 elkarteak, 12:00etan, Zarauzko hilerrian.
Aipatu ekitaldiaren aurretik, 11:30ean, Jose Benito Mujika Zumeta Xenki, Angel Iruretagoiena Elorza Piru, Jose Maria Eizagirre LaburuTapi eta Txiki bera izango dituzte gogoan. Ahaztuak 1936-1977 elkarteren omenaldiaren ondoren, gainera, lore eskaintza egingo dute gudarien monolitoan eta luntxa izango da.