Herritar ugari elkartu zen atzo gauean malekoian, su artifizialen ikuskizuna aurrez aurre jarraitzeko. Ondoren, festa giroa Musika Plazara lekualdatu zen, eta bertan, Rumbo Tijuana musika taldearen emanaldiaz gozatzeko aukera izan zen iluntzera arte. Herritarrek goraino bete zuten plaza, eta mariatxien doinu alaiek dantzan eta kantuan jarri zituzten.
Pasa den ostiralean bota zuten Aste Nagusiari hasiera eman zion suziria, eta larunbatera bitartean beste hainbat kontzertu ikusteko aukera izango da malekoian, Dama parean. Gaur, hain justu, Gaztea Gaua ospatuko dute, eta hiru izango dira oholtzara igoko diren artistak: Ramona's First Evil Boyfriend, Olaia Inziarte eta Zeatikez, zehazki.
Hona hemen aurtengo Aste Nagusiko kontzertuak:
Gaur, astelehena
- 22:00. Gaztea Gaua, malekoian (Dama).
Bihar, asteartea
- 23:00. Neomak taldearen kontzertua, malekoian (Dama).
Etzi, asteazkena
- 23:00. Janus Lesterren kontzertua, malekoian (Dama).
Abuztuaren 20a, osteguna
- 23:00. Seguridad social taldearen kontzertua, malekoian (Dama)
Abuztuaren 21a, ostirala
- 23:00. Puro Relajo taldearen kontzertua, malekoian (Dama).
Abuztuaren 22a, larunbata
- 23:00. Leire Martinezen kontzertua, malekoian (Dama).