Beste urrats bat eman du Nadia Erostarbek Tahitin jokatzen ari diren Championship Tour zirkuiturako puntuagarria den Outerknown Tahiti Pro surf txapelketan. Bezperan lehen txandan nagusitu zen, eta, oraingoan, bigarren txandako bere neurketa irabazi du; era horretan final laurdenetarako txartela eskuratu du.
Lakey Peterson surflari estatubatuarra izan du zarauztarrak aurkari bigarren txandan. Lehen txandan ez bezala, bigarrengoan ezin izan du olatu onik hartu Erostarbek. Hala, berdintasun handia izan da bien artean, eta puntu gutxigatik lortu du txapelketan aurrera egitea euskaldunak: 4.90 puntu lortu ditu Erostarbek (2.60 + 2.30) eta 4.73 Petersonek (2.53 + 2.20).
Tahitiko txapelketako final laurdenetan Isabella Nichols australiarra izango du aurkari Erostarbek. Sawyer Lindblad estatubatuarrari irabazi dio Nicholsek final laurdenetan. Aurtengoarekin, Tahitiko proban aritzen den hirugarren aldia du, eta lehendabiziko aldiz heldu da final laurdenetara.