Martxoan atera zituzten lizitaziora Iñurritza jubilatu elkartean igogailua jartzeko lanak. Hori horrela, aste honetan hasi dituzte igogailua jartzeko obrak. Lan honen helburu nagusia Maria Etxetxiki kaleko 12. zenbakidun eraikineko irisgarritasuna hobetzea da. Horretarako, eraikineko bi pisuak lotuko dituen igogailua jarriko dute.
Lehiaketa publiko bitartez esleitu dizkio lan hauek Udalak Iparragirre Eraikuntza Lanak SL enpresari. 447.950 euroko (BEZa barne) aurrekontua dute igogailuaren instalazio lanek, eta obrek 6 hilabeteko gauzatze epea edukitzea espero dute.