Pasa den ekainaren 13an, Zarauzko moilako kukaña puskatu zuten, erabilera desegokia egiteagatik. Udako kukaña eta ur jolasen lehen hitzordurako denbora gutxi falta zela eta, masta berri baten bila hasi ziren Zarautz Arraun Elkarteko kideak. Saiatu badira ere, oraindik ez dute masta berririk lortu eta, ondorioz, etzi egitekoak ziren kukaña txapelketa eta ur jolasak bertan behera utzi behar izan dituzte.
Hurrengo kukaña txapelketa eta ur jolasak uztailaren 16an, abuztuaren 13an eta abuztuaren 27an dira egitekoak, eta ordurako masta berri bat aurkitzea espero dute Zarautz Arraun Elkarteko kideek. Bide batez, honek guztiak "zarauztarron kontzientziaziorako balio izatea" espero dutela gaineratu dute arraun elkartetik.