Aitor Frantsesena Gallo surflari zarauztarrak Espainiako Parasurfing Txapelketa irabazi du. Atzo izan zen lehia Las Canterasen (Kanaria Handiko Las Palmas), eta ikusmen urritasuna duten gizonen lehian nagusitu zen. La Cicer hondartzan jokatutako txapelketan, lehen postua eskuratu zuen zarauztarrak, 12,5 punturekin nagusituz.
Frantzesenak surflari iaioa dela erakutsi zuen beste behin, Espainiako titulua berretsita. Andres Campos madrildarrak bigarren postua eskuratu zuen 8,1 punturekin, eta Efren Mompean murtziarrak hirugarrena, 5,94 punturekin.