Intsektuak
Jokin Izar de la Fuente maisu ohia eta argazkilari afizionatua da, jatorriz errenteriarra (Gipuzakoa), baina adopzioz zarauztarra. Argazkigintzaren arloan betidanik arreta berezia eskaini izan dion gaietako bat intsektuena izan da. Bitarteko tekniko handirik gabe, Iñurritzako biotopoan eta inguruetan eginiko ibilaldietan denbora asko eman dut harrapatzen duen intsektu orori argazkiak ateratzen kamera xume batekin.
Polinizazioa
Intsektuen funtzio nagusietako bat polinizazioa da, loreen polena beste batetik transferitzea, landareen ernalketa, hazien ekoizpena eta fruituen ekoizpena ahalbidetzeko. Iñurritzan intsektu polinizatzaileen (erle, erlastar, euli, kakalardo...) kuadrilla handia dago.
*Zarautzen bizi diren intsektuak biltzen dituen blog bat du Jokin Izar de la Fuentek: inurritza.blogspot.com
Tximeletak
Inguruotako intsektu ezagunenak dira, batez ere haien tamainagatik eta koloreengatik. Zarautzen, urtean zehar gutxienez 6-8 barietate ezberdin ikusteko aukera dago.
Nimiñoak
Koloreak dira intsektuen ezaugarri deigarrienetako bat, eta tamaina da beste bat. Oro har, intsektu txiki ugari daude, nimiñoak, biotopoan zehar ibiltzen diren ibiltarien begietara oharkabean pasatzen direnak, arreta berezirik jartzen ez bazaie behintzat.
Kamuflajea
Zarautz eta Getaria arteko bidean, petrilaren gainean, gauza bitxi bat gertatzen da: gaueko tximeletek –ibiltarientzat gauez ikusezinak direnak–, pasealekuko argiek eta autoen argiek erakarrita, beren habitat naturala uzten dute, errepidea zeharkatzen dute, eta karel zurian geratzen dira. Hala, ingurune naturaleko kamuflajearen koloreak kamuflaje salatari bihurtzen dira, eta ibiltarien bistan ageriko geratzen dira.
