Maiatzaren 20an hogei urte beteko dira Arraio irratiak bere ibilbidea hasi zuenetik, eta urteurrenari lotuta, festa eguna izan zuten atzo herrian. Eguraldia lagun, festarako aitzakiarik ez zitzaien falta izan atzo irratiko lagunei.
Kalejirarekin abiatu zuten eguna, Santa Marina kaletik, eta ondoren, Mor More taldeak emanaldia eskainiko zuen bere garaian Putzuzulo zegoen tokian. Arratsalderako indarrak berreskuratzeko asmoz, bazkaria egin zuten eguerdi partean, Hiruputzun. Iluntzean, berriz, kontzertuen tartea izan zen: Zaaf, Perlata eta Gaizkiñe taldeek emanaldi bana eskaini zuten gaztetxean.
(Argazkiak: utzitakoak)