Pagoeta mendizale elkarteak irteera antolatu du larunbaterako: Zarauztik Getariara txangoa egingo dute, hain zuzen. Parte hartzaileak 08:00etan elkartuko dira Musika Plazan, eta Getariarako bidea hartuko dute.
Xabier Alberdiren azalpenek osatuko dute ibilaldia, eta taldeak jakinarazi du parte hartu nahi dutenek ez dutela aurretik izena eman behar.
Berguedera irteera
Asteburu honetako ibilaldiaz aparte, Pagoetak Berguede mendatera irteera ere egingo du. Aste Santuan izango da, apirilaren 2tik 6ra bitartean, eta horren barruan hainbat etapa egingo dituzte. 30 pertsonentzat lekua zegoen irteera honetan, eta taldeak jakinarazi du dagoeneko bete direla plaza guztiak.