Urola Kostako Kontseilu Sozialistak eta Etxebizitza Sindikatuak antolatuta, neguko arropa eta manta bilketa antolatzeko asanblada irekia egingo dute bihar goizean. Hiruputzu gaztetxean elkartuko dira, 11:00etan.
Haien esanetan, etxerik gabeko pertsonak dauden sistema bat "huts egiten duen" sistema bat da, eta hori horrela izanda, hitzordu mota hau abiatu eta hura antolatzeko bilera irekia jartzea erabaki dute.