Zarauzko Lizardi judo klubeko kirolariak Espainiako Junior Txapelketako sektore fasean lehiatu dira, eta emaitza txukunak lortu dituzte. Zaragozako Monzalbarba herrian jokatu zuten jardunaldia, joan den larunbatean.
Fase horretako lehen bi sailkatuek Espainiako Txapelketarako txartela eskuratu zuten, eta horien artean dago Zarauzko Isabela Avila judoka.70 kilo azpiko kategorian lehiatu zen Avila, eta ibilbide bikaina egin ostean, finalera heltzea lortu zuen. Bertan, Nafarroako ordezkari gogorraren aurka galdu zuen, bigarren postuan geratuz. Hala, Espainiako Txapelketa jokatzeko aukera izango du Zarauzko kirolariak, urtarrilaren 31n, Iruñean.
Halaber, 57 kilo azpiko kategorian, Lizardi judo klubeko Nahia Arregik txapelketa oso ona egin zuen, eta finalerako txartela eskuratzear egon zen. Brontzezko dominarekin itzuli zen etxera, hirugarren postuan, eta klubaren hitzetan, borroka bakoitzean "sendotasuna eta determinazioa" erakutsi zituen.