Indarkeria Matxistaren Kontrako Nazioarteko Egunaren izango da bihar, Azaroaren 25a. Ohi bezala, eskualdeko herrietan mobilizazioak deitu dituzte eta bestelako ekintzak ere antolatu dituzte udalek nahiz eragileek. Zarautzen, hilabete osoan aritu dira gaia lantzen, Berdintasun departamentuak eta Emakumeen Etxeak antolatuta.
Itaiak eta Zarauzko Mugimendu Feministak ere prestatu dituzte euren ekintzak. Emakumeen Antolakuntza Sozialistako kideak 18:00etan elkartuko dira Lege Zaharren Enparantzan mobilizatzeko. Herriko kaleetan zehar matxismoarekin betiko amaituko duen alternatiba eraikitzeko asmoarekin aldarrikatuko dira.
18:30ean aldiz, Mugimendu Feministak manifestazioa abiatuko du udaletxe aurretik eta kaleak hartuko dituzte erresistenzia feminista aldarrikatuz. Ondoren, Denok Gara Yoanna ekimena egingo dute Azken Portuko Plaza Gorrian. Bertan, Yoanna oroitu eta elkartasun feminista adieraziko dute herri bezala.