Gipuzkoa Sortzen errugbi taldeak entrenatzaile berria izango du 2025-2026 denboraldian: François Meyranx 'Pantxoa'. Baionarra eskarmentu handiko entrenatzailea da. Azken hogei urteak daramatza entrenatzaile lanetan, Baiona edo Saint-Jean-de-Luz Olympique taldeetan, besteak beste. Fran Puertas lazkaotarraren lekua hartuko du Meyranxek.
Meyranxekin batera, Facundo Oribe ariko da. Meyranx entrenatzaile nagusia eta atzelarien prestatzailea izango da eta, Oribe, berriz aurrelariena. Gainera, baionarra senior mailako beste bi taldeen jarraipenaz eta koordinazioaz arduratuko da. Klubak jakinarazi duenez, taldea denboraldiaurrea prestatzen ari da jada.