Dardara jaialdia egingo dute bihar, laugarren aldiz. Rap eta drum&bass genero musikalak uztartzen dituen proiektu musikala da Dardar. Lehen bi edizioak Donostian egin zituzten eta, hirugarrena, Zarautzen. Laugarrena ere, Zarautzen egingo dute, Hiruputzu gaztetxean, hain zuzen ere.
19:00etan hasiko da jaialdia, eta bederatzi DJ izango dira bertan: Distorted Bass, Porruu, Suupe, Liquid T, Ghetto Fyah, Landeramez, Nova Prospekt, Skiat eta Itzaletan Sua. Sarrerak 5 euroko balioa izango dute, eta gaztetxeko atean erosi ahal izango dira.
Larunbatean azpeitian
Dardara jaialdiaren laugarren edizioa ez da bihar amaituko, ordea. Larunbatean Azpeitiako Orkatz kultur elkartean izango da rap eta drum&bass doinuak entzuteko aukera. 22:00etan hasiko da jaialdia, eta lau DJ-ren txanda izango da: Nova Prospekt, Itzaletan Sua, Distorted Bass eta DJ Kamel. Sarrerak dohainik izango dira.