Bizi sintetikoak poesia errezitaldia eskainiko du Leire Vargasek gaur, ukitu berezi batekin; izan ere, Jaime Nietok lagunduko dio, musika elektronikoarekin. Garoa liburu dendan izango da saioa, 18:30etik aurrera.
Bertsolari, idazle eta itzultzaile bizkaitarra da Vargas. 2021ean Irun Hiriko Kutxa Literatura Saria irabazi zuen, Dena ametsa den irudipena poesia bildumarekin. Bihotz-museo bat poema liburua da bere azken lanaren izena. Nieto, berriz, aditua da musika elektronikoan, eta Vargasen hitzei doinua jartzeaz arduratuko da gaur.