EITBko Harri herri harri-jasotze telesaioko finala grabatuko dute igande honetan, martxoaren 9an, Aritzbatalde kiroldegiko pilotalekuan.19:00etan hasiko da finala, eta bertatik bertara ikusteko interesa dutenentzat sarrera doan izango da.
Pasa den asteburuan, martxoaren 1ean eta 2an, jokatu zituzten lehen bi saioak, emakumezkoenak zein gizonezkoenak, eta igandean emango diote amaiera txapelketari. Julen Axpek girotuko du kirol ekitaldia.