Bosgarren urtez, Galtxagorrien Jaitsiera egingo du Jalgi Dantza Taldeak, euskal mitologia du ardatz hartuta. Hain justu ere, Inauterietako lehen hitzordua izango da, eta ostiral honetan bertan ospatuko dute, 18:45ean hasita. Dantzariek, gainera, Zarakatun Batukadaren, Goizeko Ihintza txistulari taldearen eta Zarautz Trikeko musikarien laguntza izango dute.
Ekitaldiaren berri emateko eta herritarren artean ikusmina pizte aldera, Jalgik ikus-entzunezko erakargarria egin du. Bertan, galtxagorriak ikus daitezke Mari jainkosaren deiari erantzunez, Talaimenditik eta Torreioitik herrira jaisten.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!