Bikain hasi zuten batel denboraldia Zarautz Arraun Elkarteko arraunlariek. Joan den asteburuan ekin zioten Gipuzkoako ligari ZAEko zazpi batelek, Errenterian (Gipuzkoa), eta emaitza onak lortu zituzten. Hasitako bideari jarraipena eman nahi diote, eta bihar hitzordu berri bat izango dute.
Ligako bigarren jardunaldia izango dute jokoan, maila guztietan, eta estropadekin 10:30ean hasiko dira. Pasai San Pedron izango dute asteburu honetan batel proba.