Ainhoa Agirreazaldegi bertsolari eta irakaslea Euskadi Irratko Faktoria saioan elkarrizketatu zuten joan den astean. "Euskarak eta feminismoak zeharkatzen naute, eta hori transmititzen saiatzen naiz", zioen Zarauzko bizilaguna den elgetarrak elkarrizketan. Halaber hizkuntzarekiko zuen kezkaz ere hitz egin zuen ordu erdi inguru iraun zuen saioan: "Atzera bueltarik gabeko egoera batean egon gaitezke; euskaran ardaztutako politikak behar ditugu".