Urtero bezala, SKAPA Santa Klara, Azken Portu eta Aritzbatalde jaiak abuztuaren hasieran izaten dira; aurten, hilaren 10etik 12ra, hain zuzen ere. Ohiturari jarraituz, jai batzordeak auzoko eraikin bateko horma bat aukeratzen du urteko murala egiteko, eta aurtengoa jada aukeratu dute. Gaur goizean hasi dira margotzen Isabel taberna ondoko plazaren bueltan dagoen horman, Autolux tailerra zeneko horretan.
Murala bukatzeko dagoen arren, hainbat figura eta ikur bereiz daitezke jada: txosnetako giroa da irudi nagusia, Palestinaren aldeko aldarriarekin, eta Anestesia taldeari gorazarrea eginez. Margolana egiten bukatzen dutenean ikusi beharko da bere osotasunean nola geratzen den.