Ertzaintzak 31 urteko gizon bat atxilotu du Zarautzen emakume bati sexu erasoa egitea egotzita, eta horren aurrean, Zarauzko Udalak erasoa gaitzesteko elkarretaratzera deitu du. Protesta bihar egingo dute, 12:00etan, Lege Zaharren enparantzan, "gertatutakoa gaitzesteko eta biktimari laguntza eta hurbiltasuna erakusteko".
Ertzaintzaren arabera, erasoa astelehen goizaldean gertatu zen, 05:30 inguruan, Zarauzko ostatu turistiko bateko komun publikoetan. Abisua jasotakoan, Ertzaintzaren patruila bat bertaratu zen ostatura, eta inguruan zegoen erasotzailea atxilotu egiten zuten.
Segurtasun Sailak jakinarazi duenez, Zarauzko ertzain etxera eraman zuten atxilotua, eta atzo azken orduan epailearen aurrean deklaratu ondoren, karguekin aske utzi zuten.
