Itziar Murua Zarauzko EH Bilduren alkategaia Zarauzko Hitza egoitzan izan da gaur, Urolako Komunikazio Taldeak (UKT) igandeko udal hauteskundeen atarian prestatu duen elkarrizketa digitalari erantzuteko. Hedabideko irakurleak izan dira galderak egin dituztenak eta haiei erantzuten jardun du Muruak ia hiru orduz. Guztira, 31 galdera erantzun ditu.
Elkarrizketa digitalean parte hartu duten herritarren artean, herrian etxebizitzen arloan dagoen arazoa izan da kezka nagusia; izan ere, gai horri buruzkoak izan dira galdera gehienak. Dena den, zalantza gehiago ere agertu dituzte erabiltzaileek.