Zarauzko PSE-EEk postaz botoa emateko laguntza eskainiko die bere jarraitzaileei. Bulegoa zabaldu du horretarako bere egoitzan, Kale Nagusiko 21ean. Astelehenetik ostiralera izango da bulegoa zabalik 12:00etatik 13:30era eta 18:30etik 20:30era. Maiatzaren 18ra arte izango da posta bidezko botoa emateko aukera.
Alderdiak azaldu duenez, ezinduta edo gaixorik dauden pertsonak aukera izango dute etxetik notarioaren aurrean botoa emateko. Tramitazio hori Zarauzko Elkarte Sozialistaren bidez kudeatu daitekeela ere adierazi du, 943-13 31 53 telefono zenbakira deituta.
Aldi baterako atzerrian egonda hautesmahaietara bertaratzerik ezingo dutenei ere botoa tramitatuko zaiela ere gaineratu du Zarauzko PSE-EE. Horretarako, botoa kudeatzeko epea apirilaren 29an itxiko da.