Gaur jakin denez, Espainiako Eskubaloi Federazioak aitortza egin dio Inma Saenz de Santamariari. Zarauzko Eskubaloia elkarteko presidenteak kirol esparruari egindako ekarpena saritzea adostu zuen federazioak, hilaren 5ean egindako bileran. Hala, brontzezko domina eta intsignia jasoko ditu.
Zarauzko Eskubaloiak sare sozialetan azaldu du "ongi merezitako saria" dela Saenz de Santamariari eman diotena, urte luzez elkartean egin duen lanagatik.