15 urte beteko ditu aurten Arraio Irratiak, eta ospakizunei ekin diete jada. Urteurrenaren harira prestatutako egitarauaren barruan, kontzertu bat egingo dute gaur, maiatzaren 7an, Putzuzulon. Martin de Marte Zarauzko taldea arituko da gaur gaztetxeko oholtza gainean, 18:30ean hasita.
Antolatzaileek jakinarazi dutenez, ordubete lehenago jarriko dituzte salgai kontzerturako sarrerak, Putzuzulon bertan. 5 euro balio du txartel bakoitzak.
